Бұл маманды жай визажист деп айта алмайсың.
Ол кәдімгі суретші, адам бетінде кез-келген нәрсені сала алатын шебер, Infrontof брендінің негізін қалаушы, Қазақстан журналдарының жылтыр беттерінде ең жарқын мейкаптың авторы Азиз Пархатов әрқашанда сымбатты болу үшін қандай сүйікті өнімдерін пайдаланатыны жайлы айтып береді.
Rexaline 3D Hydra-DepolluSkin Gel-Cream
Менің күнделікті қолданатын кремім. Бұл өнімнің басты мақсаты – теріні біздің қалада кездесетін әртүрлі ластаушы заттардан қорғау. Темекі түтінінен бастап, ауадағы кір мен шаңның бөлшектеріне дейін. Бір апта ішінде бет түсі жақсарады. Ал бетіңізге толығымен қарасаңыз, жаңарып, әдемі болып келе жатқанын байқауға болады.
Hemp Care Spa Experience маскасы
Қарасора кенепшөп майы бар маска бет терісін тегіс қылып, түсті жақсартып, сөнбейтін жастық үшін күресте тамаша көмекші. Мен оны шамасымен аптасына бір рет тазартылған бетке жағамын. Маска жақсы сіңіп қана қоймай, сонымен қатар қолдану барысында қуаныш пен ләззат сыйлайды. Иісі де керемет.
М.А.С ұсынған Lightful C муссы. Бұл мусс менің күнделікті тері күтімі әдетімде бірінші орында тұр. Ол өте маңызды қадам. Өнім теріні тез әрі ұқыптап тазартады, сергітеді, ал құрамындағы С дәрумені әдемі жылтыр береді. Мен онымен бетімді күнде жуамын.
Rated Green Real Tamanu сусабыны мен маска
Таману майы бар сусабын – менің шашым үшін өте бағалы, уақытылы табылған зат. Бұл керемет жұп сезімтал бас терісін басып, тітіркенуді жеңілдетуге көмектеседі. Сусабын да, маска да 90% табиғи ингредиенттерден тұрады. Бірінші қолданғаннан кейін шаш сау және жібектей болады.
Tom Ford ұсынған Ombré Leather хош иісі.
Ал Tom Ford Ombré Leather менің күтімімді аяқтайды. Бұл хош иіс көңіл күйге, жыл мезгіліне, ауа райына байланысты тәуелді болған әртүрлі хош иістердің ансамблі сияқты бірте-бірте ашылады. Маған өзіме келісімді дұрыс хош иісті табу бұрыннан қиын істердің бірі. Бірақ осы әтірмен біз бірден үйлесіп, қарым-қатынасымыз жақсы болып кетті.
Фото: Instagram/ @park.az
