Ұлттық экономика экс-министрі Қуандық Бишімбаевтың қолынан қаза тапқан Салтанат Нүкенованың анасы қызын еске алып, Instagram парақшасында әсерлі пост жариялап, естеліктерімен бөлісті.
«Мен осы айлар бойы қызымның есімімен ұйықтап, оянып жүрмін. Салта әрқашанда менің ойымда және денемнің әр бөлшегінде өмір сүріп жатыр. Бізден үйіміздің жаны мен күнін тартып алды. Кеудедегі ауырлық қалған өмірімнің соңына дейін қала бермек. Астанада балаларынан айырылып қалған аналармен болған кездесуден соң менің Салтамның жаны жәннатта екеніне тағы да көзім жетті. Жеп-жеңіл көйлек киген ол әкесі және маған, ағасына ары қарай да өмір сүруімізге сол жақтан көмектесіп тұрады. Кездесулерде адамдар қасыма келіп құшақтап, біздің отбасымызды және Салтаны жақсы көретіндерін айтады. Сіздердің қолдауларыңызға алғысымды білдіремін. Әлі күнге дейін қолдап келесіздер»,
деп жазды анасы.
Фото: Instagram
