Қазақстанның ең әдемі спортшыларының бірі болып саналатын танымал волейболшы Сабина Алтынбекова оқырмандарына көптен күткен жаңалықты айтты.
Спортшы Біріккен Араб Әмірлігінің «Әл-Васл» волейбол клубы үшін алғашқы матчын өткізіп, командамен бірге жеңісті атап өтті. Алтынбекова бұл туралы Instagram парақшасында жазды.
«2023 жылдың алғашқы ойыны. Үзілістен кейінгі алғашқы ойын және жеңіс»,
деп жазды Алтынбекова постқа ойыннан бірнеше фотосуретпен бөлісіп.
Естеріңізге сала кетейік, Сабина Алтынбекова отбасылық жағдайларға байланысты екі жылдық үзілістен кейін 2022 жылдың желтоқсанында мансабын қайта бастау туралы жариялаған болатын.
Фото: Instagram/ @altynbekova_20
