Қыркүйек айында Әсия егіз балаларға аяғы ауыр екенін мәлімдеген болатын.
Әнші 22 апта жүктілік кезінде сәбилерді мерзімінен бұрын өмірге алып келген. Өкінішке қарай, олар шетінеп кетті.
«Достар, бір ай бұрын егіздеріміз шала туғандықтан шетінеді. Ерте босану 22-аптада болды, ал сәбилер өмір сүруге тым кішкентай еді. Мен 3 рет ауруханада жаттым, соңғы 3 ай бойы тек төсек режимінде болдым. Қолымнан келгеннің бәрін жасадым — сендім, ойымды бақыладым, дәрілерді минутына дейін дәл уақытпен қабылдадым. Бірақ солай болды… Олардың жүректері соңына дейін соқты, ал мен ғажайыпқа сендім. Тірі қалғаныма және денімнің сау болғанына Аллаға шексіз шүкіршілік етемін, бірақ бұл менің балаларымның алдында сезетін кінәмді жоймайды», —
деп жазды Әсия.
Бұл жағдай әнші мен оның күйеуіне ауыр тисе де, оқырмандарына айтуды жөн көрген.
«Қазір біз жай ғана қалпымызға келіп, өмірге қайта оралып жатырмыз. Біздің өміріміз күн сайын өзгеріп келеді. Біз үшін ең үлкен бақыт — қасымызда Зереміздің болғаны. Енді білемін: мен сияқты мұндай жағдайдан өткен отбасылар мен әйелдер, өкінішке қарай, аз емес. Үйлеріңізді, жақындарыңызды қорғаңыздар. Мен жүрегімде әрдайым олардың анасы болып қаламын. Ал олар — менің балаларым. Мен сендерді мәңгі жақсы көремін, менің екі періштем», —
деп түйіндеді Оспанова.
Фото: Instagram
