«Дәстүр» фильмінде басты рөлді сомдаған қазақстандық актер Ермек Шынболатов отандық шоу-бизнестің бойдақтары қатарынан шықты.
Актер отандық бағдарламалардың бірінде жарымен қалай танысқаны туралы айтты. Қалыңдықтың есімі Гүлбала, жасы 18-де. Шырайлы Шымкент қаласының тумасы. Жастар әлеуметтік желіде танысып, 7 айға жуық кездесті.
«Демалыс күндері екі аптада бір рет барып, Бір-екі күн серуендеп, қайтадан кететінмін. Біз үйлену тойына дейін небәрі 17 рет кездескенбіз. Мен оны алғаш рет көрдім, жүрегім бір нәрсені сезіп, ғашық болдым»,
деп мойындады Шынболатов.
Актердің досы жастардың телефон арқылы жиі сөйлесетінін айтты.
«Біз Түркияда түсірілімде болған кезде олар түнде телефонмен сөйлесетін және бізге ұйқы бермейтін. Ермек түсірілімде көзі ісіп жүретін»,
деп күлді ол.
Қыздың ата-анасы тұрмысқа шығуға бірден келісім бермеген. Алайда актер дәстүр бойынша бәрін жасауға тырысты — қалыңдық үшін жақсы қалың мал төлеп, керемет үйлену тойын өткізді.
Фото: Данил Ярощук @yaroshuk
