Instagram: @tattti_kyz
Қазақстандық танымал әртіс Төреғали Төреәлінің кіші қарындасы Дина Төреәлі жақында екінші рет ана атанған болатын. Жас ана әлеуметтік желіде «қырқынан шығару» рәсімінен фото жүктеді.
Дина Төреәлі желтоқсан айында екінші ұлын дүниеге алып келді. Сәбиге Ибраһим деген ат қойды. Мейрам қарсаңында баланы қырқынан шығарды.
Бақытты жас ана отбасылық іс-шарадан әлеуметтік желіге фото жариялады. Суретте бесік, мерекелік торт, шарлар және мерекенің заттарын көруге болады.
«Алланың қалауымен бүгін Ибраһим баламызды 33 күнде қырқынан шығардық. Адам қатарына қосылған кішкентай балапаным үлкен азамат болып өссін»,
деді Дина.
«Бесігіңіз әдемі екен», «Өзің әлі бала сияқтысың», «Енеңізге ұқсап бара жатырсыз», «Жарайсың, Дина, әрқашан бәрін ұлттық нақышта жасайды», — деп жазды Динаның оқырмандары.
Фото: Instagram
