Алматы облысындағы Жетіген ауылы қала бола алады және жаңа атау алады.
«Алматы облысының әкімшілік-аумақтық құрылысындағы өзгерістер туралы» Президент Жарлығының жобасы «Открытые НПА» сайтында жарияланды.
«Алматы облысы Іле ауданының Жетіген ауылы облыстық маңызы бар қала санатына жатқызылсын. Алматы облысында жаңадан құрылған қалаға «Алатау» атауы берілсін»,
делінген құжатта.
Үкіметке Жарлықтан қажетті шараларды қабылдау тапсырылды.
Құжат 29 қарашаға дейін көпшілік талқылау үшін сайтта орналастырылған.
Жетіген ауылы Алматы облысының Іле ауданында орналасқан және Жетіген ауылдық округінің әкімшілік орталығы болып табылады. Жетіген Алматы қаласының орталығынан солтүстікке қарай 47 шақырым жерде орналасқан. 2009 жылғы санақ бойынша ауылда 15 616 адам өмір сүрген.
Фото: Unsplash
Поделиться:
