Қас массажы ұйықтар алдында жағымды әсер бере алады, ал таңертең серігуге көмектеседі.
Егер қалың қастарды өсіруді армандайтын болсаң, оны үнемі жасауың керек. Қас массажын жасаудың басқа артықшылықтары мен дұрыс әдістері туралы айтамыз.
Қас массажының пайдасы неде?
Ұлыбритандық косметолог Джеймс Пателдің айтуынша, қас массажы ауыр күннен кейін демалудың тиімді әдісі болып табылады. Ол қан айналымын жақсартады, бұл теріге өте пайдалы. Сондай-ақ, Джемини бұл процедура көздің үстіндегі ісінуді жеңілдетуге және мимикалық әжімдерді тегістеуге көмектесетінін атап өтті.
Егер массаж кезінде ши, арган немесе абиссин сияқты майлар қолданылса, процедура қастың өсуіне ықпал етеді. Джемини Пател аптасына кемінде бір рет жасап тұруды ұсынады. Бірақ оны сақтықпен орында: қатты баспа және массажды 10-15 минуттан артық жасама.
Сонымен қатар, егер бұл аймақта теріде тітіркену, жаралар немесе тері бөртпелері болса, қас массажын жасамаған жөн.
Массажды қалай жасауға болады?
Массажды бастамас бұрын бет пен қастардан косметиканы алып тастап, теріні тазарту және ылғалдандыру үшін тоникпен сүрту керек. Содан кейін өзіңе ұнайтын майды таңда немесе майсыз да болады. Қас массажының бірнеше әдістері бар.
Жылдам массаж
Массаждың бұл түрі 10-15 минут уақытыңды алады.
Бастау үшін сұқ саусақты қастың басына, қой. Ақырын бас-бұл сезілуі керек, бірақ ауыртпалықсыз. Саусақтарыңмен бір — бірінен алшақ бағытта айналмалы қозғалыстарды баста: оң қол оңға, сол қол солға жылжиды. Бұл қозғалысқа 30 секунд арна.
Осы нүктенің массажын аяқтағаннан кейін саусақтарыңды бастапқы күйінде қалдыр. Қастың басынан ұшына дейін аздап қысым жаса. Бұл қозғалысты 8-10 рет қайтала.
Содан кейін саусақтарыңды қастарыңды бүкіл ұзындыққа жабатындай етіп қой. Саусақты теріден көтермей, әртүрлі бағытта айналмалы қозғалыстар жаса. Массаждың бұл бөлігі шамамен бір минутты алуы керек.
Жапон массажы
Массаждың бұл түрі акупунктураға негізделген-дененің белсенді нүктелеріне әсер ететін медицина бағыты. Оны қас майымен жасаған дұрыс-бұл терінің шамадан тыс созылуына жол бермейді.
Массаждың алғашқы қозғалысы үшін саусақтарыңды қастың басына жақын, ортасына жақын қойып, аздап бас. Егер аздап ыңғайсыздық сезінсең, онда нүктелерді дұрыс таптың. Теріге басатын күшті өзгертпестен, қастың жоғарғы шекарасын ұшына қарай жүргіз. Саусақтарыңды теріге бағытта, шашты ұстамауға тырыс. Қозғалысты 10 рет қайтала.
Содан кейін үш саусағыңды жоғарғы қас доғасына қойып, 5 секунд аздап бас, содан кейін қысымды босаь. Қозғалысты 5 рет қайтала.
Енді қастардың ұштарында орналасқан нүктелерді төменнен уқалауға көшу керек. Оларды басып, саусақтарыңды 5 секунд ұстап тұр, содан кейін босат және қозғалысты тағы 6 рет қайтала.
Фото: Unsplash
