«Бәйге федерациясы» Республикалық қоғамдық бірлестігінің ұйымдастыруымен Бәйгеден Қазақстан Чемпионаты өтеді. Сайыс 16 қыркүйек күні сағат 12.00-де Алматы қаласының ипподромында болады.
Турнир ат жарысының үш түрі бойынша өтеді: Құнан Бәйге, Топ Бәйге және Аламан бәйге, жалпы жүлде қоры 20 900 000 теңгені құрайды.
Чемпионат спортшыларға өз қабілеттерін көрсетіп, әділ сайысқа шығуға бірегей мүмкіндік береді. Жеңімпаздар 7 қазанда Алматы қаласында өтетін финалға жолдама алатын болады.
Іс-шара қызықты жарыс атмосферасын және кәсіби спортшыларды тамашалауға, оларды қолдауға мүмкіндік береді. Бұл қатысушылармен танысуға, Бәйге туралы көбірек білуге және ұлттық спортымызды қолдауға тамаша мүмкіндік.
Сонымен қатар, көрермендер үшін: Федерацияның амбассадоры — Асылбек Енсепов және арнайы шақырылған қонақтар — Ерболат Құдайберген мен Еркін Құдайберген өнер көрсетеді.
Іс-шараның серіктестері: «Бәйге федерациясы» Республикалық қоғамдық бірлестігі, Алматы қаласының әкімдігі, Қазақстан Республикасының Ұлттық спорт түрлері қауымдастығы.
Бас демеуші – OLIMPBET. Іс-шараның демеушілері: Kusto Group, Көк-төбе City, Compass, Wendy’s, MYD production, YPO Kazakhstan, Yos Agency.
Фото: пресс-офис
