Оқиға Алматы облысы Талғар ауданы Бесағаш кентінде болған.
Бала өзіне-өзі қол жұмсау туралы жазба жазып, аспирин пакетін ішіп, жатып қалған. Анасы ауыр жағдайда жатқан баласын көріп, жедел жәрдем шақырған.
Алматы облысы Талғар ауданының полиция басқармасында кәмелетке толмаған бала үйде болған кезде ацетилсалицил қышқылының шамамен 10 таблеткасын ішкенін растады.
«11 қыркүйекте Талғар ауданының ПБ-на 2013 жылы туған кәмелетке толмаған ұлының дәрі-дәрмекпен улану фактісі бойынша азамат Б өтініш білдірді. Бұл факт ҚР ҚК 105-бабы, 3-бөлігі бойынша Талғар ауданының ПБ-да тіркелген. Қазіргі уақытта істің мән-жайларын толық, жан-жақты және объективті зерттеу үшін сараптамалық тексерулер тағайындаумен барлық қажетті тергеу іс-шаралары жүргізілуде. Аталған жұмыстардың нәтижелері бойынша нақты процессуалдық шешім қабылданады»,
деп хабарлады Талғар ауданының ПБ.
Бейнежазбада кәмелетке толмаған баланың әжесі немересін мектеп дәретханасында қорлап, шашын кесіп, көйлегін жыртып алғанын айтты.
Бейне сипаттамасында автор сонымен қатар мектеп әкімшілігі ананы БАҚ-та хабарламауға шақырғаны туралы жазады. Бұл оқу орны үшін ұят болады деген мақсатта.
Бұған дейін Қазақстанда балаларды зорлық-зомбылық пен суицидтен қорғау жөніндегі кешенді жоспар қабылданғаны хабарланған болатын. Құжатта қазақстандық балалардың құқықтары мен мүдделерін қорғау, оларды зорлық-зомбылықтан қорғау, суицидтің алдын алу мемлекеттік саясаттың басым бағыттары болып табылатыны айтылған.
Фото: Unsplash
