40 жастан кейін ана атану: саналы таңдау және жаңа көзқарас

Бұрын 40 жастан кейін ана атануға қоғам күмәнмен қарайтын. Бүгінде бұл көзқарас біртіндеп өзгеріп келеді.

от Арайлым Ақан
11 ноября 2026
40 жастан кейін ана атану
Instagram: @makosyai

Әйелдер мансап құрып, өмірлік тәжірибе жинап, өздерін дайын сезінген кезде ана болуды таңдайды. Қазақстандық танымал әйелдер де бұл тақырыпқа жаңаша көзқарас қалыптастырып жүр.

Голливуд жұлдыздары да бұл үрдістен тыс қалмады

40 жастан кейін ана атану: саналы таңдау және жаңа көзқарас
Instagram: @annehathaway

40 жастан кейін ана атану тек Қазақстанда ғана емес, әлемдік шоу-бизнесте де жиі кездеседі. Мәселен, актриса Хилари Суонк 48 жасында егіздерін дүниеге әкелсе, Сиенна Миллер 42 жасында екінші баласын босанды. Ал 43 жастағы Энн Хэтэуэй үшінші сәбиін күтіп жүр. Олардың оқиғалары ана болудың әр әйелдің өмірінде әртүрлі уақытта болатынын көрсетеді.

Айгүл Мүкей

40 жастан кейін ана атану: саналы таңдау және жаңа көзқарас
Instagram: @aigulmukei

Тележүргізуші әрі инфлюенсер 43 жасында қызы Хабибаны, ал 46 жасында ұлы Сұлтан-Әлиді дүниеге әкелді. Айгүл әлеуметтік желіде ана болу тәжірибесімен ашық бөлісіп, бұл тақырыпты жиі қозғайды. Оның пікірінше, есейген шақта ана атанудың өзіндік артықшылықтары бар: балаға көбірек уақыт бөліп, оны өмірлік тәжірибе мен сабырдың арқасында тәрбиелеуге мүмкіндік молаяды.

Тамара Асар

40 жастан кейін ана атану: саналы таңдау және жаңа көзқарас
Instagram: @tamara_assar_official

Қазақстанның еңбек сіңірген қайраткері 45 жасында қызы Ажарды дүниеге әкелді. Үлкен ұлы мен қызының жас айырмашылығы — 19 жыл. Бұл жолы әнші ана болудың әр сәтін бұрынғыдан да терең сезінетінін айтады. «Бұл жаста әр сәтті, баланың әр күлкісін басқаша бағалайсың», — дейді ол.

Нұргүл Мыңғатова

40 жастан кейін ана атану: саналы таңдау және жаңа көзқарас
Instagram:@nurgul.myngatova

Белгілі актриса 43 жасында көптен күткен қызын дүниеге әкелді. Бұл жаңалықты көпшілік жылы қабылдап, актрисаға ақ тілектерін жаудырды. Нұргүлдің оқиғасы да өмірдің әр кезеңінде ана болу бақытын сезінуге болатынын көрсетеді.

Мақпал Исабекова

40 жастан кейін ана атану: саналы таңдау және жаңа көзқарас
Instagram: @makosyai

Қазақстандық әнші 40 жасында екінші рет ана атанып, қызын дүниеге әкелді. 2024 жылдың шілдесінде қуанышты жаңалығын оқырмандарымен бөліскен Мақпалдың тұңғышы Теодор ол кезде екі жаста еді. Әнші үшін отбасын толықтыру өміріндегі ерекше кезеңдердің біріне айналды.


Фото: Instagram

Cookie Image Использование файлов cookie

Мы используем куки для улучшения работы сайта. Узнать больше