Instagram: @bts.bighitofficial
BTS-тегі Чонгук пен aespa тобының Винтері арасындағы қарым-қатынас туралы болжамдар тағы да әлеуметтік желілерде қызу талқылануда. Алайда, Чонгук эфирлерін сабырмен жалғастырып жүрсе, Винтер керісінше, хейтке тап болды.
Чонгук пен Винтердің қарым-қатынасы туралы сыбыстар әлеуметтік желіде қайта өршіді. Көпшілік мұны «мағынасыз қауесет» деп бағалады, алайда Винтердің парақшасы жағымсыз пікірлерге толып кетті.
Сыбыстардың қайта шығуына Чонгуктің әлеуметтік желідегі жаңа парақшасы себеп болды. Ол @mnijungkook никнеймімен тіркелген. Кейбір қолданушылар «mni» сөзі Винтердің шын есімі Минджонға сілтеме болуы мүмкін деп болжады. Алайда, Чонгук тікелей эфирде бұл тек «My Name Is Jungkook» деген мағынаны білдіретінін түсіндірген болатын.
Әншінің түсіндірмесіне қарамастан, көптеген интернет қолданушылар Винтерге теріс хабарламалар жазуды жалғастырды. Оның 14 және 13 шілдеде жариялаған соңғы жазбалары ашулы пікірлерге, эмодзилерге және Чонгуктің есімі айтылған агрессивті сөздерге толы болды.
Бұл жағдай aespa тобының жанкүйерлерінің наразылығын тудырды. Олар Винтерді қолдау үшін бірігіп, оның жазбаларының астына қолдау және жылы лебіздер қалдыруда. Сонымен қатар, кейбір жанкүйерлер X секілді платформалар арқылы бұл жағдайға өз реніштерін білдіріп жатыр.
Көпшілік айдолдарды негізсіз қауесеттерге араластырмауға және олардың жеке өміріне құрметпен қарауға шақыруда. Әзірге екі айдол да өз жұмыс кестесімен жүріп жатыр. Жанкүйерлер олардың жеке өміріне араласпауға және дәлелсіз сөздерге сенбеуге үндеп отыр.
Фото: Instagram
Дереккөз: TheGirl
