Instagram: @kudaibergenov.dimash
Әлеуметтік желілерде «Бетпердедегі адам» деген лақап аты бар қайырымдылықпен айналысатын блогердің шын мәнінде әнші Димаш Құдайберген болуы мүмкін екені айтылған видео кең таралуда.
Видеоны түсірген авторлар бұл гипотезаның шындыққа жанаса қоймайтынын айтады. Дәлел ретінде олар «Бетпердедегі адамның» қолындағы, Димашта жоқ тыртықты, қас пішіндерінің айырмашылығын және блогердің әкесінің инсульт алғанын келтіреді.
Талқылауға қатысушылардың пікірінше, егер Димаштың әкесі сырқаттанған болса, бұл жаңалық БАҚ назарынан тыс қалмас еді.
Әзіл ретінде авторлар бетперденің астында өзге қазақстандық әнші – Қайрат Нұртас жасырынуы мүмкін деген болжам да айтты.
Алты күн ішінде бейнежазба жүздеген пікір жинады. Пікір қалдырушылардың бір бөлігі блогер расында Димаш деп сенсе, енді біреулері «Бетпердедегі адамның» кім екені маңызды емес, бастысы – оның адамдарға жасап жүрген көмегі екенін алға тартады.
Фото: Instagram
