Instagram: @linda.sza
Жазда жейделер нағыз құтқарушы киімге айналады: оларды жеке киім ретінде де, жакет орнына да киеміз — өйткені костюмдер мен жакеттер жазда ыстық тартады. Сонымен бірге, жейделермен түрлі сәндік эксперименттер жасауға болады.
Қысқасы, гардеробта сәнді жейде болғаны дұрыс. Әдетте біз классикалық ақ мақта жейделерді таңдаймыз. Бірақ, бүгінде мұндай нұсқалар тым қарапайым көрінеді — қазір сәнде батыл образдар. Жылдың ең басты тренді — тік жолақты жейделер. Қандай түрлері сәнде екенін бірге қарастырайық.
Алдымен жейденің үлгісін таңдаудан бастаймыз: жазғы образдарға оңай үйлесу үшін жейде кең, жамбасқа дейін түсетін болуы керек. Төмен түсірілген иық сызығы немесе деконструкцияланған үлгілер сәннен қалды. Акцентті көрініс беретін — жейденің түсі мен өрнегі. Ерекше сәнді ұнататындар үшін жалғыз балама — белге дейін қысқартылған жейде. Егер қысқа жейде де кең пішілген болса, кез келген жазғы образға оңай үйлеседі.
Instagram: @lara_bsmnn
Келесі маңызды мәселе — мата таңдау. Жазда көбіне атлас немесе зығыр маталарға басымдық береміз. Бірақ, трендтегі жейделер үшін бұл материалдар қолайлы емес: атлас тым салтанатты көрінеді, ал зығыр — керісінше, өте еркін. Сондықтан ең жақсы нұсқа — классикалық мақта жейделер.
Ең бастысы — түсі мен өрнегі. Кәдімгі қара-ақ нұсқаларды ұмыт. Биылғы басты ереже: жейде неғұрлым ашық, батыл болса, соғұрлым жақсы. Жолақтар матаның негізгі түсімен және бір-бірімен қатты контраст жасауы керек. Мысалы, көк жейделер күлгін немесе қызыл жолақтармен, сұр жейделер сары өрнектермен сәнде. Ашық түстерден қорықпа!
Фото: Instagram
Дереккөз: GRAZIA
